تورکجه میزین یازماسی, [06.11.19 20:59]
دئییر ایراندا ۴۰ میلیون تۆرک واردیر
۴۰ اوْلماسین اوْلسون ۱۰۰میلیون
اؤز دیلینده یازیب اوْخوماغی باشارماییرسا نه فایدا
مدرسه سی یوْخ نه فایدا
یاس یا توْی  تؤرنینی اؤز دیلینده یازمادی نه فایدا
شهرییارا یا فۆضولی یه بیر توْپلانتی قوْرور،سوْنرا ائعلان ویٛریر
اؤز یازماییر نه فایدا
شئعیر مجلیسلرینده اۇستادلار  اؤز دیلینده جۆرأتی اوْلمادی نه فایدا
صاباح شئعیر مجلیسی اوْلاجاق دئیه
اؤز دیلینده یازا بیلمه دی نه فایدا
آدینی تاخما آدینی اؤز دیلینده یازا بیلمه دی نه فایدا
ان بؤیوک ادبییاچی هله ده وار تۆرکجه یازا بیلمه ییر
دئیین ۴۰ میلیون اوْلماسین ایکی یٛۆز  اوْلسون گنه  فایداسی یوْخدور

تورکجه میزین یازماسی, [02.12.19 22:09]
[Forwarded from مهدی ‌بئی‌سهندی]
🌎 یوز ایل ایچینده اودوزدوغوموز دیلیمیز!

🔻۹۰۰ ایل بوندان قاباق، تورک دونیاسینین بوگونه دک ده معنوی حیاتینی ائتگیله‌ین خواجه احمد یسوی، انسان‌لاری دینی و اخلاقی یؤندن یئتیشدیرمک اوچون اؤز حکمت‌لی سؤزلرینی تورک دیلینده یازمالی اولور.

🔻۶۰۰ ایل بوندان قاباق، عمادالدین نسیمی، اؤز عرفانی، دئوریمچی (انقلابی) سؤزلرینی تورک دیلینده یازمالی اولور.  

🔻۱۵۰ ایل بوندان قاباق، محمد باقر خلخالی، اؤز حکمت‌لی سؤزلرینی و اخلاقی اؤیودلرینی «تولکو ناغیلی» آدلی بیر تورک مثنوی‌ده ملته چاتدیریر.

🔻۹۰ ایل بوندان قاباق، آزربایجان چاغداش طنز شعرینین تانینمیش نماینده‌سی، شبسترلی معجز شعرلرینی تورک دیلینده یازماغینا گؤره دئییر: «من گؤردوم کی آزربایجان ملتینین چوخو تورک‌دور و فارسی شعرلردن بهره آپارا بیلمه‌یه‌جک، منیم نیتیم بو ایدی کی کیشی‌لر و خانیم‌لار منیم شعرلریمی اوخویوب و آنلایالار.»

🔻۷۰ ایل بوندان قاباق، ایراندا فارسلاشدیرما سیاستینین سوردورولمه‌سیندن ۳۰ ایل کئچدییینه باخمایاراق، «حیدربابایا سلام» شعرینین اصلی مخاطب‌لری یعنی حیدربابا داغینین اتک‌لرینده یاشایان آزربایجانلی‌لار هله فارسجا اوخویا بیلمه‌ییردیلر، بونا گؤره ده، اوستاد شهریار «حیدربابایا سلام» شعرینی تورک دیلینده یازاراق «تورکو دئدیم اوخوسونلار اؤزلری»! دئییر.  

🔻آنجاق، بو یوز ایلده باشلانان و بوتون گوجو ایله ایره‌لی‌له‌ین فارسلاشدیرما سیاستینین آجی بیر سونوجو اولاراق، بوگون تورک آیدین‌لاری اؤز سؤزلرینی میللتین قولاغینا چاتدیرماق اوچون تورک دیلینده دئییل، فارس دیلینده یازمالی اولورلار.

🔻بو آجی دورومو یئنی‌دن دییشمکده و تورک دیلینی یئنیدن اؤز یئرینده اوتورتماقدا باجاریقلی اولدوغوموزا اینانیرام. گون او گون اولاجاق کی بیزلر ده، زهتابی، فرزانه، هیئت، سهند، ساهر، علی تبریزلی... کیمی داهی‌لریمیزین توتدوقلاری یولو دوام ائده‌رک، خواجه احمد یسوی، عمادالدین نسیمی، محمدباقر خلخالی، معجز شبستری، اوستاد شهریار و یوزلرجه شاعیر و یازیچی‌لاریمیز کیمی سؤزلریمیزی اؤز آنا دیلیمیزده اؤز میللتیمیزه چاتدیراجاغیق! یئتر کی، اؤزوموزه ایناناق، یئتر کی اوسانمایاق!

محمد رحمانی فر
@Azer_baycanimiz
http://t.me/joinchat/AAAAAEV70pM6Vt8ITcVldg

تورکجه میزین یازماسی, [10.12.19 19:11]
‏«تورکون دیلی»
 
تورکون دیلینه دادلی پتک بال دئسم  آزدی
یوخ یوخ بالی سات گل بودیلی آل دئسم آزدی،
سن اؤزدیلینی بنزه دیسن بولبوله بنزت
منده دیلیمه زیروه ده قارتال دئسم آزدی،
بیر تازه گلین تک گؤزل اولسا دیلین اولسون
منده گلینه جلوه وئرن شال دئسم آزدی،
سن اؤز دیلینه زولف دئنن خط دئنه، منده
آغ اوزده یاتان دوزلو قارا خال دئسم آزدی،
بولای لایی نننیمده آنام چالمادا یاتدیم
بولای لایی جان وئرمه ده ده چال دئسم آزدی،
بو دیل دئییل، بیردادلی شیرینلیکدی آغیزدا
هرلحظه آغیزدان آغیزا سال دئسم آزدی،

رینگ تایرآزربایجان

تورکجه میزین یازماسی, [12.12.19 21:43]
[ Video ]
ایکی دیلده یازیلیبدیر
🌍 قسمتی از مستند قتل عام بیش از 25 هزار تن ازمردم آزربایجان توسط رژیم جنایتکار پهلوی پس از سقوط فرقه دموکرات #آزربایجان
بیر مۆستند فیلیم
دئموکیٛرات فیرقه سی یئنیلدیکدن سوْنرا قان ایچن پهلوی رئژیمی ییرمی بئش مین نفردن آرتیق آزربایجانین مظلوم میللتینی قیٛرغینا وئردی
 اوْگۆندن آنا دیلیمیز یاساقلاندی

تورکجه میزین یازماسی, [14.12.19 10:18]
❤️«21 آزر وه آزربایجان دا یاشایان شانلی میراثی»"قورتولوش"❤️

گوندرن:ممدمیانالی(داغلاراوغلو)

🔹21 آزر آزربایجان دا میللی ائگمنلیک (حاکمییت) گونودور. 21 آزر 1324_1945 ده آزربایجان میللتی هر بیر میللی بیلینجلی میللت کیمی میللی ائگمنلیڲینی قورماق شرفینه ناییل اولا بیلدی. اؤز میللی دؤولتچیلیڲینی قوروب اؤز طالئعینه حاکیم اولماق میللی باخیمدان بؤیوک باشاریدیر. 21 آزر ایسه کئچن یوز ایلین ایچینده آزربایجان اوچون دؤنوش نۆقطه سی وه غلبه نین زیروه سی کیمی حئساب اولونور. بونون اوچون ده 21 آزر میللت وه وطنین میللی حاکمییت تملينده بیرلشمک نۆقطه سی اولاراق دڲرلندیریلمکده دیر. 21 آزر یالنیز ایلده بیر گون اولاراق گؤرونمور، بو گون میللی آزادلیغین وطنیمیزده دوْغولدوغو گوندور. بونون اوچون ده 21 آزر آزربایجانچیلیغین وه  میللی گؤروش وه دوشونجه نین عطف نۆقطه سی، دوغوم گونو وه میللی بایرامدیر.

🔹 21 آزر هم ده تورک آزربایجان میللتینین مۆعاصیر میللت_دؤولت دونیاسینا قدم قویدوغو وه بیر میللت کیمی اؤز طالئعینی تعیین ائتمک گونودور. بو گونده یارانان آزربایجان میللی حوکومتی آزربایجان میللی حاکمییتینین دئموکیٛراتیک نۆماینده سی اولاراق بؤیوک وه شانلی میللتیمیز طرفیندن گؤرَولنیب، آزربایجان میللی منافئعینی قوروماقلا وظیفه لندیریلمیشدیر. بونون اوچون ده هر بیر ویجدانلی وه شوعورلو وطنداشین قلبینده وه ذئهنینده 21 آزر ایستئعمار وه ایستئبدادا غلبه گونو وه ظفر بایرامی کیمی حک اولونوب، یاشاماقدادیر.
بونون اوچون ده 21 آزر آزربایجانین بیر میللی دؤولت کیمی چاغداش دونیادا اؤزونو تانیتدیرما گونودور. میللی حؤکومتین عؤمرو رسمی اولاراق بیر ایل سوره سینده، 21 آزر فلسفه سی و میللی حاکمییت دوشونجه سی بوگونه قدر تورک میللتی وه میللی قوووه اوچون گوج قایناغی وه میللی یولون گونشی کیمی اؤز وارلیغینی قورویوب وه یولوموزا ایشیق ساچماقدادیر.

🔹21 آذز فلسفه سی بیزه بیر میللت کیمی آزاد وه باش اوجا یاشاماق ایسته ییرسک ،میللی حاکمییت قورماغیمیزین شرط اولدوغونو ثوبوت ائتدی. بونون اوچون ده 21 آزر تورک میللتینین اؤز دوغما آزربایجان وطنینده میللی سعادته گئدن یولون باشلانیش نۆقطه سیدیر.
21 آزر یالنیز آزربایجان میللی حوکومتینین سییاسی اولاراق دوغوم گونو دئییل. بو گون تورک میللتینین میللی ایراده سینین تجلی گونو وه میللی آزادلیغین وطنیمیز وه میللتیمیز اوچون تک اومود قایناغی وه میللی قوووه نین تک قورتاریجی گوجو اولدوغونون ایثبات گونودور.
بونون اوچونده 21 آزر تکجه بیر گون یوخ، میللی سعادتیمیز اوچون بیر یول بیر دوشونجه، بیر فلسفه وه تک چیٛخیش یولودور.

🔹21 آزر دوشونجه سی میللتیمیزین میللی حاکمییت وه میللی سعادت چئوره سینده بیرلشیب، فردی خوشبختلیڲین یالنیز وطن وه میللت سعادتی چرچیوه سینده قالارغی اولاراق یاشاماسینی بیزه ثوبوت ائدن دوشونجه نین تام مرکزی وه آدرئسیدیر.
21 آزر دوشونجه سی وه آماجی اولمایان بیر میللت ابدی اولاراق اسارت ایچینده وه کؤله وضعیتینده  بیر جمعیت کیمی سورونمڲه وه محو اولماغا محکوم وه مجبوردور.
چونکی 21 آزر ایستئعمار وه ایستیبدادین علئیهینه قییام وه غلبه نین مومکون اولدوغونو ثوبوت ائدن گوندور.

تورکجه میزین یازماسی, [21.12.19 19:39]
[Forwarded from #کانال_هفته_نامه_دنیز DANIZُ#]
🔰 سیغمازام

عارف شهید سیّدعمادالدین #نسیمی‌ نین معروف غزلینه تضمین:

اِئیلمه امتحان منی،من امتحانه سیغمازام
جَم ‌ده منیم‌دی جام‌ ده، بو دودمانه سیغمازام
جمع‌ اِئله‌ کهکشانلاری، بو کهکشانه‌ سیغمازام
ذَرَّهٔ نَیِّرَم اینان، وصفِ نهانه سیغمازام
"منده‌ سیغار ایکی‌جهان‌ من‌ بو جهانه‌ سیغمازام
گوهرِ لامکان منم کوْن‌ومکانه سیغمازام"
°°°°°
طارُمِ چرخِ اَرغنون، خیلِ فَاَیْنَ تَذْهَبُون
یوخدو چرا و چند و چون، زُمره‌ی اَهلِ یُوقِنون
سوره‌ی پاکِ مؤمنون، مستِ اِلَیْهِ‌راٰجِعون
عشق‌ده تاپمیشام جنون،باغلیدی راهِ آزمون
"عرش‌ایله‌ فرش‌ و کٰافُ‌ و نون،منده‌ بولوندو جمله چون"
"کَسْ‌ سؤزونو اوزاتما چوخ،شرح‌ و بیانه‌ سیغمازام"
°°°°°
عرشَه اوجالدی رأیتیم،وار عَلَمِ هدایتیم
کیمسَه‌یَه یوخدو منّتیم،عشقه دولوب قانیم اتیم
ذاتِ اَحددی مِدحتیم،وحدته چاتدی کثرتیم
فیضِ اَزَل‌دی قِدْمَتیم،جوشدو صفایِ‌ صحبتیم
"کونْ‌ومکان‌دی آیتیم،ذاته گئدیر بدایتیم
سن‌ بو نشان‌ایلن‌ منی،من‌ بو نشانه‌ سیغمازام"
°°°°°
اِی‌ آدی‌ زینتِ‌ دَهن،فیض‌ایله جانیمه گیریش
هجرِ رُخِ نگاردن سینه‌م اولوبدو ریش‌ریش
حقّه‌ یاخین قدم گؤتور باطله فکرینی دَگیش
وِئر منه خِرقه‌ی حقی،جمله‌ وجودیمه ایلیش
"کیمسه گمان‌ و ظنّ‌ایله اولمادی حقّ‌ایله بیلیش
حقّی‌ بیلن بیلرکی‌ من،ظنّ‌ و گمانه سیغمازام"
°°°°°
سیرتِ پاک‌دن سوروش جانه یِئتیردی جانی‌ کی
سِرّ درونی سؤیله‌دی عاشیقینه نهانی‌ کی
مُسْتَتَر اولدو معنی‌لر چیخدی اوزه معانی‌ کی
شهرِغریب‌ده گؤرن وصلتِ آشنانی‌ کی
"صورته‌ باخ‌کی‌ معنی‌نی‌ صورت‌ ایچینده‌ تانی‌ کی
جسم‌ایله‌ جان منم ولی‌ جسم‌ایله‌ جانه‌ سیغمازام"
°°°°°
آیتِ کبریایی‌یم،من بو اِئوین سئوینجی‌یم
گلسه نقدری درد و غم،سانماکی ذرّه‌اینجییم
ذِکرِ خَفی‌ده وار اَلیم،ذِکرِ جَلی‌ده،اینجی‌یم
کـوره‌ی‌ داغِ خلقتین تاپدالانان بیرینجی‌یم
"هم صدفم،هم اینجی‌یم،حَشر و صراط‌ سینجییم
بونجا قماش‌ و رخت‌ایله من بو دکانه‌ سیغمازام"
°°°°°
کَهف منم،امان منم،روح‌منم،روان‌منم
اَرض‌له آسمان منم،آتشه پاسبان منم
نارایله گُلْسِتان‌منم،باغ‌ایله‌بوستان منم
گل‌ده‌ منم،تیکان‌ منم،صورتِ‌ کهکشان منم
"جان‌ایله هم جهان‌منم،دهرایله هم زمان‌منم
گؤر بو لطیفه‌نی‌ کی‌ من‌ دهر و زمانه‌ سیغمازام"
°°°°°
نوحم‌ و صاحبِ یَمم،موسی‌یم اَلده اَرقمم
عیسیِ‌ صاحبِ دمم،محتشمم،معظّمم
نقشِ نگینِ خاتمم،محترمم،مقدّمم
سانما عیاردن‌ کمم،صاحب کلِّ عالَمم
"گرچه محیطِ اعظمم،آدم آدیم‌دی آدمم
وارله کُنْ‌فَکان‌منم،من بومکانه سیغمازام"
°°°°°
عشق‌ده مُهْتَلَکْ منم،روح‌دا مشترک‌منم
عاشقِ بی‌کَلَک‌منم،عشقه گؤزل محک‌منم
گؤزده‌کی مَردُمَک‌منم،دریاداکی سَمَک‌منم
بَزَک‌منم،نَمَک‌منم،ایندی جهان‌دا تک‌منم
"اَنجم‌ایله فَلَک‌منم،وحی اولان مَلَک‌منم
چک‌ دیلینی‌ سَن اَبْصَم‌ اُوْل،من ‌بو لسانه‌ سیغمازام"
°°°°°
معدنِ غَلّ‌ و غَش‌ منم،عاشق پرعطش،منم
گللر آرا گولش‌منم،جان اِئده پیشکش منم
مرکزِ کشمکش منم،ثِقْلِ بلاده لَش منم
آیتِ خوروَشْ منم،صورتِ حوروَشْ منم
"ذرّه‌منم،گونَش منم،چارله،پنج‌ و شش منم
صورتی‌ گؤر بیان‌ایله،من‌ بو بیانه سیغمازام"
°°°°°
دجله‌نی قات فرات‌له،موته یِئتیر حیات‌له
من گزیرم نجات‌له،باخ منه التفات‌له
شورگتیر نشاط‌له،عیش‌له‌ سور و سات‌له
سسله بوکائنات‌له،صدقیله هم ثبات‌له
"ذات‌له هم صفات‌له،قَدرله هم برات‌له
گل‌ شکرَم نبات‌له،بسته‌ دهانه سیغمازام"
°°°°°
شرّمنم،شررمنم،نفعْ منم،ضررمنم
غیب‌منم،حَضَرمنم،سارْمنم،سفرمنم
گؤزده‌کی اَشکِ‌ترمنم،عاشقِ خون‌جگرمنم
خلقتی مُبتدا دِئسین،بیل‌کی اونا خَبرمنم
"شَهدمنم،شَکرمنم،شمس‌منم،قمرمنم
روح‌ و روان باغیشلارام روح‌ و روانه‌ سیغمازام"
°°°°°
آیتِ‌ دادگرمنم، خلقته بال‌وپرمنم
اَثرمنم،ثمرمنم،لعل‌منم،گُهرمنم
تیغ‌منم،تَبَرمنم،قضامنم،قَدَرمنم
بَشرمنم،نَفرمنم،زُهَرمنم،ظَهَرمنم
ناره یانان‌ شَجَر منم،چرخه چیخان حَجَر منم
گؤر بو اوُدون‌ زبانه‌سین،من‌ بو زبانه‌ سیغمازام"
°°°°°
داغِ‌ جنون چکیب‌ جانیم،من‌ده جنون پیشیه‌یم
عاشق وصل‌ دلبرم اصلِ وجوده ریشیه‌یم
چون‌کی«قیزیل‌قلم»آدیم جامِ‌ولایت عیشی‌یم
اَلده«قیزیل‌قلم»یازار شاهِ‌جهانْ جِیْشی‌یم
"گر چی‌ بو گون«نسیمی‌یم»هاشمی‌یم‌ قریشی‌یم
منده‌ اولودور آیتیم،آیه نشانه سیغمازام

✍️ اکبرستاری «قیزیل‌قلم»

#کانال_هفته_نامه_دنیز🇮🇷 👇
https://t.me/joinchat/AAAAAEHusZKdsVrUdqN-cg

تورکجه میزین یازماسی, [22.12.19 20:55]
[Forwarded from داود عبدی (Taymaz)]
پولاد ایراده‌لی زهتابی‌ آتامیز

پروفسور زهتابی حاققیندا یازی یازماق جسارت ایسته‌ییر،
نئجه اولسا بو گۆن تۆرکجه یازا بیلیریکسه او بؤیوک اینسانا مدیونوق.
اولو زهتابی‌ آتانین یازیب ـ یاراتدیغی اثرلرین آدین گتیرمکله بیر کیلیشه‌ای یازی یازماق ایسته‌میرم، تکجه بو اینسانین آنا دیلیمیزه و وارلیغیمیزا اولان تعهدونو بیر قیسسا یازی‌لا خاطیرلاتماق ایسته‌ییرم.

قیش گۆنلری ۷۰‌ ـ جی اون‌ایللگین ایللرینده آذربایجاندا اؤز گۆجونو گؤسته‌ریب مئیدان اوخویوردو، آنجاق شبیسترین قارلی گئجه‌لرینده بۆتون ایشیق‌لیقلارلا چیراقلار سؤنسه‌لر ده ایکی ائوین چیراغی سؤنمه‌ییردی.
بیرینجی ائلیمیزه ایشیق ساچان ائوین چیراغی
ایکینجیسی ایسه او چیراغی سؤندورمه‌یه چالیشانلارین ائوی‌نین ایشیق‌لیقلاری....
نه ایسه...
بیرینجی ائوده هر گۆن‌اورتادان سونرا نئچه نفرلیک بیر کیلاس قورولاراق، دیلیمیزین یازی‌ـ‌پوزو قوراللاری، نحوی و... میننت‌سیز و پولسوز اولاراق اؤیره‌دیلیردی،
اؤیره‌تمنین تکجه دیلخوشلوغو یوردوموزون گله‌جه‌یی اۆچون بیلگین اؤیره‌نجیلر یئتیرمک‌ایدی، یان طرفین ائوی‌ایسه پول آلاراق، پروفسورون بو ایشلریندن بئزیب اونا فرقلی شانتاژلار، تحقیرلر پیلانلایاراق پولاد ایراده‌لی اوستادی یورماق ایسته‌ییردیلر آنجاق اونلار بیلمه‌ییردیلر قاسیرغالار گؤرموش گمی، بالاجا دالغالارلا یئریندن اولمازمیش
ایستالینین،سیبری‌ده اولان ایجباری ایش اوردوگاهلاری، عراقدا چتین دوروملار و سۆرگونلوک ایللرین چتینلیکلری زهتابی‌نین سئوگیسینی آنا‌دیلینه چوخالداراق، بو یولدا جانی باهاسینا قازاندیغی بیلگی‌لری اؤیره‌تمک ایراده‌سی، گنجلیک چاغلاریندان دا داها گۆجلنمیشدی....
جوما آخشاملاری‌نین بیریسی ایدی، نحو کیلاسی‌ بیتدی و اوستاد گۆلر اۆزله اؤیره‌نجی‌لرینی یولا سالدی، اؤیره‌نجیلردن بیری پونجون(سوبا، پیچ، بوخاری) نفتینی بیتمک اۆزره گؤروب، اوستاد ایذین وئرسه‌نیز بوشقادان نفت چکیب، نفت قابینی دولدوروم، اوستاد یوخ ساغ اول اؤزوم چکه‌رم، ایندی اسکی تاریخدن بیر نئچه صفحه یازمالییام، اونلاری یازیم دوروب دولدورارام دئییب اؤیره‌نجینی یولا سالارکن اؤیره‌نجی‌نین گؤزو ماسا(میز) اۆسته اولان ال یازمالارا ساتاشدی، ۳۴۶ـ جی صفحه یازیلمیشدی....
همن اؤیره‌نجیسی دئییر بیر نئچه ساعات سونرا یادیما دۆشدو کیتابیمی اوستادین ائوینده اونوتموشام،
گئتدیم اوستادین ائوینه، قاپینی آچیب ایچری گیردیییمده اوتاق ائشیکدن سویوق‌ایدی، الیمی نفت قابینا ووراراق گؤردوم بوشدور، بیرآن دؤنوب میز اۆسته باخدیم یازی‌لارین آلتیندا ۳۸۹‌ـ‌جو صفحه یازیلمیشدی،
دئمک اوستاد بیزلره تاریخیمیزی یازارکن پونجون سؤنمه‌گی و اوتاغین سویوماغین حیس ائتمه‌دن بۆتون فیکرینی ایران تۆرکلرینه تاریخ یازماغا وئرمیشدی...
گؤزلریم دولو بیر حالدا دوروب پونجون نفت قابیسینی دولدوروب، پونجو یاندیردیم، اوستاد گۆلومسه‌یرک دئدی هن بایاق گؤردوم ایسته‌ییر سؤنسون، آنجاق اؤنملی بیر یئرده‌ایدیم و آرا وئرسه‌یدیم، مطلبین اوجو الیمدن چیخاردی او اۆزدن دئیه‌سن ۵ ـ ۱۰ دیقه‌دیر سؤنوب، یازیلان صفحه‌لرین شوماره‌سینه باخیب گۆلوب، تانری سیزی بیزه چوخ گؤرمه‌سین اوستاد دئییب،  آیریلدیم.

اسکی تاریخ لردن یاراتدین
دیلی یانمیش ـ الی باغلی یاتمیش بیر میللتین
سئوینجلی اوخوماقلاری‌لا
قازانج مارشلارین.
و کیملیگین قایتاردین کیملیکلرین یئل‌لره پای وئرن یاتمیشلارا
اینجی دیلیمیزین‌سس‌لرینی صرف ائدیب،نحوی‌لری جنگه چکرکن
کیم بیلیر
شبیسترین سویوق قیشلاریندا
سویوق اوتاقلاردا
نئچه - نئچه دفتر بیتیردین
و لوغازلارلا ـ سؤگوشلر پایین اولدو
و بیر سویوق گۆنده،،
قوشولدون باغیبان ائل اوغلانلارینا، شاهین‌لر زنجیرده اولارکن
هله ده اۆره‌کلریمیزده یاشاییرسان
پروانه‌لر سرگذشتی تک

ـ آلت یازی:
سون بؤلومده پروفسورون
تاریخیمیز اۆچون اولان:
ایران تۆرکلری‌نین اسکی تاریخی
و قیرامئریمیز اۆچون یازیلان اینجی دیلیم، سس‌ـ‌صرف، تۆرکجه‌میزین نحوی،
هابئله
باغیبان ائل اوغلو، شاهین زنجیرده، پروانه‌نین سرگذشتی: شئعر کیتابلارینا ایشاره اولونوبدور

داودعبدی
1396/10/1
@davud_ebdi

تورکجه میزین یازماسی, [29.12.19 20:08]
قایتار منی یووامیزا
ائليميزه اوبامیزا
آتامیزا آنامیزا
 قایتار منی داریخمیشام
بوردا بیزی قانان یوخدور
بیزی یولداش سانان یوخدور
حالیمیزا یانان یوخدور
قایتار منی داریخمیشام
اوره ییمیز دولور بوردا
اومودوموز سولور بوردا
یاشام اؤزو اؤلور بوردا
قايتار مني داريخميشام
وارلیغیمیز تالانیبدیر
مئى  جامی میز جالانیبدیر
داغ داغ اوسته قالانیبدیر
قایتار منی داریخمیشام
داریخمیشام هاردا ائليم
ائلسيز سينار منیم بئليم
اولارام من دیلیم دیلیم
قایتار منی داریخمیشام
گوزلریمیز شئهلنيبدير
اوره ييمیز مئهلنببدیر
آیاق آلتدا لئهلنیبدیر
قایتار منی داریخمبشام
بدنیمده جان داریخیر
داماریمدا قان داریخیر
ائله بيل هریان داریخیر
قایتار منی داریخمیشام

نلر دئییردیک ؟ایندیسه نلر دئییریک:

دمپایی.        »»    شپیت،،، چوس
کت.              »»     آرخالیق
زیرپیراهن.  »»    ترکوینگی
بلوز.             »»    جان کوینگی
جلیقه.         »»     کؤرک
دستکش.     »»     الجک
کمر.             »»      قورشاق
کمربند.        »»      قاییش
مچ بند.       »»      قولباق
النگو.           »»      قولباق،بیلک لیک(بیلرزیک)
گوشواره.   »»       سیرغا
کیف           »»       چانتا
برکه.          »»        قوبا
آشبازخانا آویزی»»آسمالیق
آویز.          »»         آسقی
رخت آویز »»         پالتار آسقی سی
روبرو.       »»         قانشار
نی             »»         قارغی،قامیش،قمیش
کیسه.       »»         توربا
هاون.       »»          دیبکdibək
هاون دسته سی»»دیبک داشی
کشک.       »»          قورود
شاخه.      »»           بوداق
ملاغه.      »»           چومچه
پیتی.       »»           بارداق
صافی.     »»           سوزگج
سقف.      »»           تاوان
کف.         »»            تابان
لبنیات.    »»           آغارتی
جو.         »»            آرپا
برابر،مساوی»»      آربا
کاکل.      »»            تئل،جیغا
مقاومت. »»           دیره نیش
تبر.          »»           بالتا
تیر.         »»            دیره ک
تیر ِ کمان »»          اوخ
پرچم.      »»          بایراق
مشروب.  »»          چاخیر
حلاج.      »»          آتیجی
رقیق.      »»           دورو
غلیظ.      »»          قُویْ qoy
غار.         »»   کوهول،کاها،ماغارا
شمال.     »»           قوزئی
جنوب.    »»           گونئی
شرق.      »»    دوغو،گون دوغان
غرب.      »»    باتی،گون باتان
صخره.   »»     قایا
قوجا آرواد»»    قاری
نوزاد.      »»      کؤرپه
لوبیا.       »»      ماش
بوسه.     »»      اوپوش
گونه.      »»      یاناق،یایاق،بنیز
رد.          »»      ایز
خط.       »»      جیزگی
خراش.   »»      جیزیق
بربری.    »»      کوکه،ال چؤره گی
زنگار.     »»      پاخیر
زنگ آهن»»       پاس
لکنت زبان »»   پلتکpəltək
کمین.    »»       پوسقو
حمله.    »»        آخین
زندان.   »»        دوستاق،دوتساق
موسیقی»»      چالغی
آهنگ.    »»       هاوا
راه راه.  »»       زولاقلی
چشمه.  »»       بولاق،پینار
محبت.  »»       سئوگی
خون گرم»»     ایستی قانلی
تفت      »»       پورتله تمکن
نرده.     »»        چَپَر
گله.       »»       سورو
نژاد.      »»      سوی
رنگ.      »»       بویا،بویاق
درشت. »»       ایْری
خوانا.   »»       اوخوناقلی
نارسایی»»      چاتیشمازلیق
احترام.  »»     حئورمت،سایغی

#مئهریار بڲ آراز✍️✍️

@shirin_dilim📝

تورکجه میزین یازماسی, [04.01.20 12:58]
[Forwarded from YAZ]
[ Photo ]
بیلگه تونیوقوق گؤگ‌تورکلر دؤلتینین قوروجولاریندان، بیلگه قاغانین(بیرینجی گؤی تورک حاکمینین) وزیری، بیرینجی تورک تاریخچیسی، اورخون-یئنی‌سئی کتیبه‌لرینین یازدیرانی و تورک تاریخینده آدی اونودولمایان بیر تورک اولموشدور. دوغوم تاریخی بیلینمه¬سه ده وفات تاریخی 729-جو میلادی ایله توخونور.
Bilgə Tonyoquq göktürklər dövlətinin qurucularından, Bilgə Qağanın(birinci Göktürk hakiminin) vəziri, birinci Türk tarixçisi, Orxun-Yenisey kətibələrinin yazdıranı və Türk tarixində adı unudulmayan bir Türk olmuşdur. Döğum tarixi bilinməsə də vəfat tarixi 729-cu miladi ilə toxunurş

@yaznashr

تورکجه میزین یازماسی, [14.01.20 14:28]
[Forwarded from YAZ]
#قوشاچای؟
#تاریخی_آد_یوخسا؟
کئچن ییرمی نئچه ایلده میاندوآب(قوشاچای) شهرینین آدی حاقدا دگیشیک معلومات یاییلمیشدیر. بیر عده قوشاچای سؤزون شهرین اسگیدن قالما تاریخی آدی کیمی قیمتلندیریب و میاندوآب آدینی تحریف بیلیب او آدی ایشله¬دنلری پهلوی قالیقلاری آد وئرمیشلر. باشقا بیر عده بیر سیرا سندلر قوراشدیراراق شهرین تاریخی آدینین میاندوآب اولدوغونو عنوان ائدیب، قوشاچای سؤزون ایشله¬دنلری سینیرلارین اؤته¬سینه باغلایاراق اونلاری هده¬له¬مکله میداندان چیخارماق ایسته‌میشلر. آما سؤزون حقیقتی هاراسیندادیر؟ و بو جیغاتی ایله تاتااو آراسیندا اولان شهرین تاریخی ماجراسی نه¬دیر و آدی نه اولموشدور؟
بو حاقدا الیمیزده اولان یگانه سند قاجار پادشاهی فتحعلیشاهین آذربایجانین بگلر بگیسی «احمدخان مقدم»ـه یازدیغی سند و حکمدور. بو سند 1224-جو قمری ایل فتحلیشاه طرفیندن یازیلیب و آذربایجانین مراغه شهرینده یئرلشن بگلر بگی «احمدخان مقدم»ـه وئریلمیشدیر. بو سند سرهنگ علیقولو مقدم طرفیندن مراغه تاریخین یازان «یونس مروارید»ین اختیارینا قویولموش و  1372-جی ایل اوحدی نشریاتی طرفیندن نشر ائدیلن «مراغه، از نظر اوضاع طبیعی، اجتماعی، اقتصادی، تاریخی» کتابینین 892-جی صحیفه¬سینده وئریلمیش و سندین چوخ اوخوناقلی اولمادیغینا گؤره سندین یازیلارینین تایپ اولموش متنی بیرداها همین کتابین 893 و 894-جو صحیفه¬لرینده گلمیشدیر.
سندین متنینین اوزون اولدوغونا گؤره هامیسین بورادا گتیرمگی لازم گؤرمه¬دیم آنجاق سندده بیر نئچه سطر مقدمه‌دن سونرا احمدخانین حاقیندا تعریف-توصیفات و قدردانلیق ائدیب و نهایت گلیب بورایا چاتیر:«.......... احمدخان مقدم بیگلر بیگی آذربایجان که در موافقت خدمت این مخلد دولت بر جمله اقران مقدم و از قدیمی خدمتان این همایون شوکت معظم بوده مشمول عاطفتی تازه داشته..... قرین مفاخرتی بی‌اندازه ساختیم. محل میان دو آب مِن اعمال مراغه را که فیمابین دو رودخانه جغتو و تغتو واقع و از قدیم‌الایام خراب و بایر است از حدّ دریاچه ارومی الی رأس‌الحد صایین قلعه افشار که انهار آن یمیناً و یساراً از این دو رودخانه منشعب و منفصل و اراضی موات آنجا را از جهات اربعه شرقاً و غرباً، جنوباً و شمالاً مشروب می‌سازد از مراغه بلکه آذربایجان بل من حوزۀ ما یمکن ان یتصرف فیه اولیاءالدیوان، موضوع و به اقطاع عالیجاه مشارٌ الیه مرحمت و به «دارالامان مرحمت‌آباد» موسوم فرمودیم که محل مزبور را آباد و معمور ساخته به تنزیه اراضی و تصفیه انهار و زرع غلات و غرس اشجار و تعمیر قلعه و عمارات و احداث بساتین و باغات پرداخته در آنجا متمکن و لیلاً و نهاراً به وظایف دعاگویی و ثناخوانی دولت پایدار پادشاهی اشتغال دارد و در تأمین مسالک آن سرزمین و حراست ثغور مسلمین از تعرض قاطعان طریق و آسیب دست‌انداز و شلتاق هر فریق رسمی از رسوم سرحدداری را متروک نگذارد ..............»
بو متنه دقت ائدرکن نئچه سؤزو آنلاماق اولور:
1-  فتحعلیشاه بو حؤکمو یازان زمان بو شهرین یئری یعنی ایکی چایین آراسی قدیم زمانلاردان بایر و اؤز حالینا بوراخیلمیش بیر یئردیر.
2-  بو یئر مراغه شهرینین مولکو ساییلیر.
3-  احمدخان بگلر بگی فتحعلیشاهین گووندیگی شخصلردن بیریدیر.
4-  دؤرد طرف حدودو بللنن یئرین سندی فتحعلیشاه طرفیندن احمدخان بگلر بگی آدینا یازیلیر.
5-  احمدخانا بو یئری آباد ائدیب اورادا آوادانلیق یاراتماق دستورو وئریلیر.
6-  شهرین آد قویماسی فتحعلیشاه طرفیندن اولموش و اونو «دارالامان مرحمت آباد» آدلاندیرمیشدیر.
7-  حکمده شهردن علاوه اطراف سولارین و چؤللرین ده آبادلیغینا دستور وئریلمیشدیر.
8-  بؤلگه¬نین امنیتی تام‌الاختیار احمدخانا تاپشیریلمیشدیر.
البته همین حؤکمون سونکو سطرلرینده بیر سیرا باشقا حکومتی دستورلار دا صادر اولموش. مثال ایچون وئرگی حاقیندا احمدخانا دئییلمیشدیر: بؤلگه اهالیسی وئرگی وئرمکدن(مالیاتدان) معاف ساییلاجاقلار و کیمسه‌دن اؤزو کؤنوللو اولمایاراق وئرگی آلینمایاجاقدیر و ...........
آنجاق بو مقاله‌ده چوخ او قونولارا کئچمک لازم گؤرونمور. شهرین اسگی تاریخینه ده باش اوزاتمیریق. نئچه مین ایل بوندان اؤنجه منطقه¬ده تاریخی یئرلر وار و اونون ان اسگی آدلاریندان بیری «ایزئرتو» اولموشدور. موغول دؤنمینده ده مراغه پایتخت اولان زمان همین بؤلگه¬ده بیر سیرا تاریخی اولایلار یاشانمیش و حتی یازیلانلارا گؤره ایکی چایین آدی «جیغاتی و تاتااو» چنگیزخان طرفیندن بونلارا وئریلن آد اولموشدور.

تورکجه میزین یازماسی, [17.01.20 14:35]
دئی آیینین ییرمی آلتیسی تۆرک دیلینین قاتیلی محممد ریضا شاهین قاچان گۆنو
آللاه ذاتینا لعنت ائله سین
دئمک تۆرک دیلی ان بؤیوک ضربه نی بۇ ملعونون دؤوره سینده گؤرموشدوز

تورکجه میزین یازماسی, [20.01.20 14:59]
افتخار بیر عرب سؤزودور
بۇ سؤز تۆرکجه میز یازیلاندا آغیرلاشیر
ایفتیخارسینیز
یئرینه
فخریمیز سایلیرسینیز
سیزه فخر ائدیریک
وه لاپ قیٛسا،گؤزل ،اوْنور یازاق
سیز بیزیم اوْنوروموزسونوز یازاق
اوْنور=ایفتیخار

تورکجه میزین یازماسی, [24.01.20 10:42]
دوْقتور بختییار ماحمود اوْغلو وهابزاده
شاعیر،یازیچی َ
۱۹۲۵ده شکی شهَرینده آنادان اوْلوبدور،۲۰۰۹ایلینده باکیٛدا دۆنیاسینی دڲیشیبدیر
داهی شاعیرین آنا دیلی ،وطن حاققیندا چوْچلو شئعیرلری واردیر
تحصیل ،باکی دؤولت بیلی یۇردو
آنا دیلیمیز بیزیم وارلیغیمیز

تورکجه میزین یازماسی, [30.01.20 09:34]
[Forwarded from ائل سئون تانری سئون elseven]
ساتغین کیمدیر؟
آنا دیلینی سئومز یئرینه اؤزگه دیلینی سئور
وطنینی سئومز یئرینه وطنینه خیانت ائدر
توْپراغینی سئومز یئرینه توْپراغینی اوْجوز ساتار
اؤز دیلینده دانیشماز یئرینه اؤزگه  دیلده دانیشماغا فخر ائدر
اؤز دیلینده یازماز اؤزگه دیلده یازماغی اؤزونه فخر بیلر
هر نه اؤزونه باغلیدیر سئومز اؤزگه نی سئور
حاققی بیلمز حاقسیزلیغا مؤهور باسار
آللاهی تانیماز
شئیطانا قۇل اوْلار

تورکجه میزین یازماسی, [30.01.20 10:38]
[Forwarded from شاعرانه فرزندان درگز💚کلته چنار]
🔸قسمتی از جوابیه شهریار به سهند در قالب شعر بنام #سهندیه :

قاناد ایستر بو فضا، قوی قالا ترلانلی سهندیم
ائشیت اؤز قیصه‌می، دستانیمی، دستانلی سهندیم

سنی حئیدر بابا او نعره لرایله چاغیراندا
او سفیل داردا قالان تولکو قووان شئر باغیراندا

شئیطانین شیللاغا قالخان قاتیری نوخدا قیراندا
ده‌ده قورقود سسین آلدیم، دئدیم آرخامدی ایناندیم

آرخا دوردوقدا سهندیم ساوالان تک هاوالاندیم
سسله قارشی قووالاندیم

جوشقونون دا قانی داشدی، منه بیر هایلی سس اولدو
هر سسیز بیر نفس اولدو

باکی داغلاری دا های وئردی سسه، قِیها اوجالدی
او تایین نعره سی سانکی بو تایدان دا باج آلدی
قورد آجالدیقدا قوجالدی

راحیمین نعره سی قووزاندی دییه‌ن توپلار آتیلدی
سئل گلیب نهره قاتیلدی
روستمین توپلاری سسلندی دییه‌ن بومبلار آچیلدی
بیزه گول-غونچه ساچیلدی

قورخما گلدیم دییه، سسلرده منه جان دئدی قارداش
منه جان-جان دییه رک، دوشمنه قان-قان دئدی قارداش

شهریار سؤیله مدن گاه منه سولطان دئدی قارداش
من ده جانیم چیغیریب: جان سنه قوربان دئدی قارداش

یاشا اوغلان سیزه داغ-داش دلی جئیران دئدی قارداش
ائل سیزه قافلان دئدی قارداش داغ سیزه آسلان دئدی قارداش

داغلی حئیدربابانین آرخاسی هر یئرده داغ اولدو داغا داغلار دایاغ اولدو

آرازیم آینا-چیراق قویمادا، آیدین شافاق اولدو
او تایین نغمه سی قووزاندی، اوره کلر قولاغ اولدو

یئنه قارداش دییه‌رک قاچمادا باشلار آیاق اولدو
قاچدیق، اوزله شدیک آرازدا، یئنه گؤزلر بولاغ اولدو

یئنه غملر قالاق اولدو یئنه قارداش سایاغی سؤزلریمیز بیر سایاق اولدو

وصل اییین آلمادا، ال چاتمادی عشقیم داماغ اولدو
هله لیک غم سارالارکن قارالار دؤندو آغ اولدو

آرازین سود گؤلو داشدی، قایالیقلاردا باغ اولدو
ساری سونبوللره زولف ایچره اوراقلار داراق اولدو

یونجالیقلار یئنه بیلدیرچینه یای-یاز یاتاغ اولدو
گؤزده یاشلار چیراغ اولدو

لاله بیتدی یاناغ اولدو غونچا گولدو دوداق اولدو
نه سول اولدو، نه ساغ اولدو

گؤندرن قاردشیمیز نقی عالی اوغلو

🕊کانال شاعرانه های فرزندان درگز🕊

@abdollgheibishaeraney