تورکجه میزین یازماسی, [27.01.18 11:33]
اللهم عجل لولیک الفرج.....


قلبیم اوْلوب،بؤلوم بؤلوم
یابن الحسن   هایانداســان
ایذین وئرسن  دردین آلیٛـــم
یابن الحســن هایانداسـان
🌴🌴
چؤللـری چـوْخ دوْلانمـا گل
یولـلاردا سن یـوبانمـا  گل
هر هارداســان دایانما گل
یابن الحســن هایانداسان
🌴🌴
جـان ایسته سـن جان وئررم
یـوْلوندا،  قــۇربـان   اولارام
سـن گلمه سـن من  اؤلــرم
یابن الحســن  هــایــاندا سان
🌴🌴
محبتـــین   اوْجــاغـییٛـسان
مظلولاریـن   دایــاغیٛـسان
یاتمـیٛـــشلارین  اوْیــاغیٛسان
یابن الحســـن هـــایــانداسان
🌴🌴
آراز دئیــــر غــــم چــــکرم
یــوْلووا گوللــــــر اکــــرم
یـــوْلوندا جانــــدان گئچــرم
یابن الحســـــن هــایـانداسان
🌴🌴
آراز آوانســر 96/5/27🌴🌴🌴🌴🌴

تورکجه میزین یازماسی, [30.01.18 15:58]
آزربایجان تۆرکلری نین اسکی اوْیناماق لاریٛ


 آبایی اوْیناماق/Abayı
 آزربایجان اوْیناماغیٛAzərbaycan oynamağı)
آستا قاراباغی/Asta Qarabağı
 آسما کسمه/Asma Kəsmə  
 آغیر قاراداغیٛ ağır qaradağı
 آلچا گۆلو/  Alçagülü)
 هئیوا گۆلۆ/Heyvagülü
 آی بری باخ/ay bəri bax
انزلی/ənzəli
 اۆچ بادام بیر قوْز/üç badam bir qoz
 اۆچ نومره. دؤرد نومره. بئش نومره. آلتی نومره/ nömrə۳،۴،۵،۶
 اوزون دره/uzun dərə
اوْن دؤرد نومره/14 nömrə
 ایکی آروادلی/iki arvadlı بیریلیانت/birilyant,
بنؤوشه/.bənövşe
 پهلوانی/pəhləvani
 تامارا/tamra
 توْی toy oynamağı
 توراجی turaci
 ترکمه/tərəkəmə
 جامیش باغا گیردی/
camış bağa girdi
 جنگی اوْیناماق cəngi
 جئیرانی/ceyrani
 جهری بئَییم/Cəhribəyim
 چاتتادی/Çattadı
 چال پاپاق/çal papaq
 چیت تومان/çit tuman
 خالاباجی/xala baci
 خان  چوبانی/xala çobanı
 دارتما یاخام جیٛریلدی/dartma yaxam cırıldı
 دارچینی/darçini
 دسمالی/dəsmalı
 رنگی/rəngi
 زوغالی/zoğali
ساری باش/sari baş
ساموخ/samox
 سمنی/səməni
 شالاخو/şalaxo
 شاهسئونی/şahsevəni
 شکی/şəki
 عنابی/ənabi
 قازاغی/qazaği
 قایتاغی/qaytaği
 قوچ‌الی/qoçəli
 قوفتا/qofta،یا قوْپتا
 قیتقیلدا/qıtqılda
 قیزلار بۇلاغی/qızlar bulağ
 قیزیل گۆل/qızıl gül
 کئچی ممه سی/Keçi məməsi
 کسمه/kəsmə
 کندیری/kəndiri
 کوراغلو/Koroğlu (rəqsi
 کوراغلونون قایتارماسی
kor oğlunun qaytirmasi
 گلین آتلاندی
/gəlin atlandi گلین گتیرمه/
gəlin gətirmə گلین هاواسی
gəlin havasıگۆل گز/
gülgəzگولمه یی
/Gülməyi لالا
lala مۆجسسمه
/mücəssəmə میصری
/misriمیرزایی/mirzayi
 میرواری/mirvari
 نازنازی/naznazi
 واغزالی/vazğali
 وئلاچولا/vela çola
 هالای/halai
 هراتیhərati
 هئیوا گولو/heyva gülü
 یاللی/yallı
 یئرلی/yerli
 یۆز بیر//yüz bir

Azerbaycan çağdaş xalq oynamaqları
آزربایجان چاغداش خالق اوْیناماق لاریٛ
* آذربایجان مارالی/azərbaycan maralı
 آغ چیچک/ağ çiçək
* آیشات/ayşat
* اۆزومچۆ/üzümü
* اوْوچۇ/ovçu
* ایلک باهار/ilk bahar
* بایرام سوئیتاسی/bayram süitasi
* بختوری//bəxtəvəri
* چوبان اوْیناماغیٛ /çoban oynamağı
* چوبانی/çobani
* داغلار گوزه لی/dağlar gözəli
* داغلی dağlı
* دیلیجان/dilican
* دیاموند/diyamond
* ساری گلین/sarı gəlin
* ساز/saz
* شیٛخ شامیل/şıx şamil
* آشیٛق آبادی/aşıq abadi
* قاراباغ یاللیسی/qarabağ yallisi
* قاوال/qaval
* قیسقانج/qısqanc
* لزگی/ləzgi
* مارال/maral
* مزه لی/məzəli
* نابات خانیم/nabat xanim
* ناز ائیلمه/naz eyləmə
* نعلبکی/nəlbəki
* نه قدر قشنگسن/nə qədər qəşəngsən
* یوْردو- یوْردو/yordu-yordu
اؤزگه دیلده یازماق اؤزگه دیله قۇللۇق ائتمک دیر،اؤز تۆرک آنا دیلیمیزه یازماق اؤز تۆرک آنا دیلیمیزه قۇللۇق ائتمک دیر،
(ائل سئون ،تانریٛ سئون    )
@anadilimizinyazmasi
@uralaltayalatav

تورکجه میزین یازماسی, [01.02.18 14:06]
[Forwarded from ا،ت]
باشقا تۆرک آغیٛزلاردا وارکن نییه اؤزگه دیللرین سؤزلرینی ایشلدک،
قاچیٛش( firar)
قاچاق(firari )
ائَیلج(  fren,tormuz )
قۇزئی آزبایجان دا ایشلنیر
چیمرلیک(plaj,‌  )ق،آ
تیٛخاج(   trafik )ق،آ
توْزسوْران،سۆمۆرگه(   elektrik süpərgəsi) ق،آ
پالتاریۇیان،ق،آ
(  çamaşır makinəsi  )
اۇدۇش,باشقۇرد،تاتار،تۆرکمن،اۇیغۇر،قیٛرقیٛز(‌ qələbə)
ایش آنیٛش،(   qaranti)
باشقۇرد ،تاتار
گنلگه(  سرانجام،)
گنل لیکله(  umumən )
قانیٛت( subut  )
گزَگن(  səyyarə)
گزگین(  səyyah )
گزی(səyahət )
آزیٛق( ərzaq)
گئدر(   məxaric)
گلیر( mədaxil)
ادب(   görgü)
گؤرگۆلۆ( ədəli,ədəbi)
یازیٛن(   ədəbiyyat,)
توْپار ،تۆرکمن،(  qurub )
یاد ائل, باشقۇرد، تاتار( qurbət)
یۇرد قوْخۇسۇ(  vətən qoxusu )
کؤچۆرن،ائل سئون

تورکجه میزین یازماسی, [02.02.18 20:13]
زکات ،و تۆرک دیلی
هر زادیٛن زکاتیٛ وار دئمیشلر ،
بیلیگین زکاتیٛ اؤیرتمک دیر،
آنا دیلیمیزین ده زکاتیٛ وار ،آنا دیلیمیزین زکاتیٛ نه دیر،
منجه آنا دیلیمیزین زکاتیٛ ایتن باتان سؤزجۆک لری اؤزه چیٛخاریٛب ،و دیلیمیزی تمیزله مک ،بئله دئییرلر قازانجیٛن زکاتیٛنیٛ وئرسن واریٛن دؤولتین تمیزلنر،منجه آنا دیلینی تمیزله مک اۆچۆن یابانجیٛ آغیٛر سؤزلریٛ ائشیگه آتیٛب اینجه تۆرک سؤزلرینی اوْرتا گتیرملی ییک،
ائل سئون

تورکجه میزین یازماسی, [02.02.18 20:40]
هر دیلین بیر عاییله سی وار اؤرنک اوْلاراق ،فارس دیلینین عاییله سی افغانیستان ،و تاجیکیستان دیٛر ،و اوْرادان سؤزجۆک آلیٛب
 ایشلده بیلرلر،بۆتۆن دۆنیا اؤز عاییله لریندن سوْنرا باشقا دیل لردن سؤز آلیٛب ایشلدیرلر،
بۇ جۆمله یه باخیٛن،
ورود بانوان بی حجاب به این مکان مقدس ممنوع،
شاه عبدالعظیمین قاپیٛسیٛنا یازیٛلمیٛش دیٛر،
بۇ جۆمله ده سؤزلر عرب دیلیندن آلیٛنمیٛش دیٛر،دئمک نه ایرادیٛ واردیٛر بیز اؤز تۆرک عاییله لریمیزدن سؤزجۆک آلیٛب ایشلدک،
بیر صۇرت ده اوْ سؤزۆن کؤکۆ اؤزۆمۆده واردیٛر،
اؤرنک اوْلاراق ،سایغیٛ (ائحتیرام )سؤزۆنۆن ایشلدسک سۇچ اوْلارمیٛ؟
سایغیٛ،سایماق سؤزۆندن دوْغۇلمۇش دۇر،
سایغیٛلارلا ،ائل سئون
@anadilimizinyazmasi

تورکجه میزین یازماسی, [02.02.18 20:40]
[Forwarded from Ali ق]
رفیق شفیقی راجع به زبان اصیل آذربایجان خودمان نوشته بود و سایر دوستان را متهم به تمایل به زبان باکو و ترکیه کرده بود. بنده مجبور شدم از زبان فارسی استفاده کنم چرا که استفاده از زبان فارسی در مکاتبات رسمی و ادبی بهتر از استفاده از زبان محاوره خودمان می باشد زیرا حداقل بفهمند سواد فهم لزوم استفاده از زبان ادبی واحد برای هر زبان را داریم و می فهمیم حال زبان ترکی استانبولی را بگذاریم کنار که اندک تفاوت آوایی و لغوی با ترکی آذربایجانی دارد( مثل انگلیسی آمریکایی و انگلیسی انگلیسی یا فارسی ایرانی و فارسی افغانی )اما برای ترکی آذربایجانی که تبریز و باکو و زنجان و همدان و... نداریم همچنانکه فارسی تهرانی و شیرازی و اصفهانی و یزدی نداریم کسی که در مورد زبان  قلم فرسایی میکند باید بداند هر زبان با چند لهجه زبان ادبی استاندارد واحد بر طبق اصول گرامری و زبانشناسی دارد طرف ما که تقریباً میشود گفت زبان ترکی آذربایجانی تدریس نشده و کار رویش انجام نشده حال که آنسو زحمتش را کشیده اند چرا استفاده نکنیم؟!!

تورکجه میزین یازماسی, [04.02.18 22:09]
تانریٛ اینسانیٛ توْپراق دان یارادیٛب دیٛر،یئر اۆزۆنده توْپراغیٛ اکه بیچه ،توْپراق دان اکین گؤتۆره  ،یئر اۆزۆنده مال داوار ساخلایا،اوْنلاریٛن سۆتۆندن اتیندن فایدالانا، دئمک اینسان آباد ائله مک اۆچۆن یارانیٛب دیٛر ،وۇرۇب داغیٛتماق اۆچۆن یارانماییٛب دیٛر،
وۇرۇب داغییٛدانلار ،قان سالانلار، ائل سئون تانریٛ سئونلر دئییل،
بۇ آرادا دیللر، ائللر، گۆللر،و،،،،،
چئشیتلی یارانمیٛش، اوْنلارا،          ٛ یئتیرمه لی ییک ،اوْنلاریٛن آرادان گئتمه سینه یوْل وئرمه ملی ییک،اوْنلاریٛن دیرچلمه سی نین یوْلۇندا چابا  گؤستر ملی ییک، دۇرماماق یازیٛب یاراتماق گرک، سن دۇرار  توْپراق دا ،دۇرار،سن دۇرارسان آنا دیلی ده دۇرار،آنا دیلی دۇرارسا  وطن سؤزۆنۆن آنلامی اوْلماز آنلامسیٛز یاشاماق ،دئمک یاشاماق یوْخ  یانیٛب یاخیٛلماق،یانیٛب یاخیٛلماق دان سا  اؤلمک یاخشیٛ دیٛر،
ائل سئون
ٛ

تورکجه میزین یازماسی, [04.02.18 22:16]
اؤزۆمۆزده وار ایکن یابانجیٛ سؤزجۆک لری ایشلتمه یک، ایٛلغیم(سراب،sərab)
دنیز (دریا،dırya)
 دالغا ( موْجmoc )
آدا (جزیره,  cəzirə )
کؤرفز  (خلیج,xəlic )
بۇلاق، پیٛنار ،گؤزه( چئشمه،çeşmə)
قایا (صخره səxrə  
بۇغ سوْران ،( هۇد hud )

تورکجه میزین یازماسی, [04.02.18 22:31]
تانریٛ اینسانیٛ توْپراق دان یارادیٛب دیٛر،یئر اۆزۆنده توْپراغیٛ اکه بیچه ،توْپراق دان اکین گؤتۆره  ،یئر اۆزۆنده مال داوار ساخلایا،اوْنلاریٛن سۆتۆندن اتیندن فایدالانا، دئمک اینسان آباد ائله مک اۆچۆن یارانیٛب دیٛر ،وۇرۇب داغیٛتماق اۆچۆن یارانماییٛب دیٛر،
وۇرۇب داغییٛدانلار ،قان سالانلار، ائل سئون تانریٛ سئونلر دئییل،
بۇ آرادا دیللر، ائللر، گۆللر،و،،،،،
چئشیتلی یارانمیٛش، اوْنلارا،          ٛ یئتیرمه لی ییک ،اوْنلاریٛن آرادان گئتمه سینه یوْل وئرمه ملی ییک،اوْنلاریٛن دیرچلمه سی نین یوْلۇندا چابا  گؤستر ملی ییک،
دۇرماداق یازیٛب یاراتماق گرک، سن دۇرارسان  توْپراق دا ،دۇرار،سن دۇرارسان آنا دیلی ده دۇرار،آنا دیلی دۇرارسا  وطن سؤزۆنۆن آنلامی اوْلماز آنلامسیٛز یاشاماق ،دئمک یاشاماق یوْخ  یانیٛب یاخیٛلماق،یانیٛب یاخیٛلماق دان سا  اؤلمک یاخشیٛ دیٛر،
ائل سئون
ٛ

تورکجه میزین یازماسی, [08.02.18 22:23]
[Forwarded from K Gülandam]
عزیز دوستلار
مصطفی کمال آتا تورکون  بیر سرکرده کیمی؛دؤیوش فرماندهی کیمی ؛اؤلکه رهبری کیمی نهنگ جهانگیر وغصبکار دولتلر قارشیسیندا دیره نیشی تاریخدا ثبوتا احتییاجی یوخ .بوگون دیدیلمیش عثمانلی ایمپئریاسیندان  قالان ایقتیدارلی تورکیه آتاتورکون چابالاری نین حاصیلی دیر . هرسؤز هر کسین اغزیندان چیخمیشسا زمان اؤتدوکجه ممکون دور معناسینی ایتیرسین ویا اؤنمینی الدن وئرسین. حیات گئنیشمکده دیر وهر سؤز همیشه لیک اعتیبارینی قورویا بیلمز .البت کی ؛تاریخ بویو تورکون دوستو تورک اولمش !آمما تورکون هیچ باشقا دوستو اولا بیلمز دئسک بو دوقماتیزم دئمک دیر؛دوستلاریمیزی تجرید ائتمک دئمکدیر .بوبیزه بوگونکو دؤورده محدودیت یارادا بیلر . زمانلا آددیملاماق ودوست ؛دوشمانی تانیماق لازیم. حقیقت سیز ایکی دوستومون  یانیندادیر تکجه بیرینین یوخ

تورکجه میزین یازماسی, [11.02.18 08:13]
⁉️سوْرو : گۆنئى آزربايجان تۆرک خالقى و ايراندا ياشايان باشقا تۆرک خالقلاري هانسى زاماندان بۇيانا فارسجا اؤيرنمگه باشلاديلار؟

🔆يانيت : ياخلاشیٛق ايسلامدان سوْنرا 4و 5 اينجي هيجري و قمرى يۆز ايلينده قلم و بيليم و شئعیر آداملاري ياواش ياواش فارسجا(پارتجا، پهلويجه، دريجه، تاجيكجه) اؤيرنمگه باشلاديلار، اوْ دؤوورده آزربايجانين كۆٓتله اينسانلاري  هئچ بير شكيلده و دۇرومدا فارسجا بيلميرميشلر و اؤز تۆركجه آنا ديللریله دانيشيرميشلار.
دئملي يم چوْخونلوق تۆرک ديلي نين يانيندا آزينليق تاليش و تات و گيلك ديللي بو گۆنكو دؤوورده اولدوغو كيمي آزربايجاندا دانيشانلار دا واريميش.
گونئى آزربايجانين گونئي باتي يانيندا(قونشوموز عیراق اؤلكه سينده) كۆردجه و كورمانججا ديللري ده يايغين ايميش.
ديرناق آراسى آزربايجانين قلم و بيليم و شئعیر آداملاري فارسجا دان اونجه ايلك ايسلام دؤورونده عرب ديليني ده اؤيرنمگه باشلاميشديلار.

قتران تبريزلى باخماياراق فارس ديليني اؤيرنميشدى و ايلكين فارسجا اؤيرَنن تۆركلردن ايدي، و فارسجادا شئعیر دئمك قابيليتي ده وار ايدي آنجاق فارسجا اؤيرنمكده و  دانيشماقدا چوْخلو سوْرونلار ياشاييردي (ناصير خوْسروو'ون سفرنامه سينه داياناراق)
ايندي بير آن گؤزونوزون اؤنونه گتيرين و دۆشونون كى قتران تبريزلى بير بيليم آدامي وشاعير اوْلماسينا باخماياراق چتينليكله
وۇرغو ايله فارسجا دانيشي وئريرميش، اونا داياناراق
کۆتله خالق هئچ جۆره و شكيلده فارسجا دانيشا بيلمزميشلر.  
محممد حوسئين بهجت تبريزلى (شهريار) ده باخماياراق كى گونوموزون دوزَنلي فارسجاسيندا اؤيرَتيم آلميشدى و تئهران بيليم يوۇردوندا آتاساغونلوق ( طبّ) درسى اوْخويوردو و تۆركجه شئعیرلرينين يانى سیٛرا فارسجا شئعیرلرده دئييردي، آنجاق سیٛرادان بير فارس ديللي اينسان كيمي پۆرۆزسۆزدۆر( سربست) فارسجا دانيشا بيلميردي.
تام قتران تبريزلى كيمى.
 
بۇردا بللي اوْلور آزربايجانا سیٛرانميش و قاتلانميش ديل هانسى ديلدير.سیٛرانميش ديل ايددیعالارين ترسينه فارسجادير و تۆركجه دئییل
فارسجا ديلى تۆركلردن سووا تاليش و تات و گيلك و كۆردلره ده سیٛرانميش و يۆكلنميشدير.
قانيت بو كى توركيه و عيراق كۆردلري و آزربايجان جومهوريتي تاليشلاري فارسجا بيلميرلر و دانيشميرلار، تكجه بۇگۆنكو ايران جوغرافياسيندا(چئوره_سينده) ياشايان كۆرد، تاليش، تات و تۆرک خالقلارى سيرالانميش فارس ديليني آز_چوْخ بيلرلر، باخماياراق كى گۆنوموز فارسجا اؤيرتيم اوْخوللاريندا اؤيرديليرلر، وۇرغولو فارسجا دانيشيرلار، وورغوسوز و سربست دانيشمالارى اۆچون تئهراندا و يا بيرباشا فارس ديللى لرله ايليشگيده اولماقلارى گركليدير .
سوْنوندا تۆدک كۆرد، تاليش، تات، گيلك، تۆركمن، بلوچ وعرب اينسانلاري نين فارسجا دانيشديقلاري زامان فارسلار طرفيندن لاغا قويولدوقلاريني وۇرغولاييرام.🔆
@Azturkce 🌺

تورکجه میزین یازماسی, [11.02.18 10:00]
[Forwarded from Deleted Account]
📢📢📢فارسی یا "ایران عربجه سی"؟؟!!

اسکی متنلری اوخوساز گؤررسيز كى اصيل فارسى كؤبود آغير و سؤزجوكلرى تلفظ جهتيندن آلچاق او جالی و بد آهنگ بیر دیلدی بو دیل عرب دیلینین قاتیلماسی گوجونه  و زامان اؤتدوكجه عيبه جر سؤزجوكلرين اونودولوب ايتيب باتماسيلا و بعضن ساده لشمه سیله بو گونکو دورمونا یئتیشیب
پهلوی عامیللری هابئله معین قدر اسلامی جمهوری زورلارین تورک دیلین آرادان آپارماقا وئرمكله  اؤز ديللرين تهديد ائدن علتلردن غافل اولوب اونون قاعده و قانون جهتيندن ايپدن ساپدان چیخماسین اونوتدولار
بوگونکو چوخلو فارسی متنلره سایغی سالساق گؤره ريك
 1. عرب سؤزجوكلرين اوندان آلساق ديل فلج و ان آزى آخساق اولور

2.بير حرفه اى ادبياتچی اونا دوزه لیش وئریب یئنی دن یازسا یوزه ۳۰-۴۰بلکه ده یوزه ۵۰ متنی قیسالدا بیلر دکتر جلال الدین کزازی نین دانیشیق طرزین نظرده آلین سیزجه او دانیشان بیر ساعتلیق سؤزو 10 ديقه ده دئمك اولماز؟

 3.بعضى متنلرين آنلامى شوبهه لى و نئچه یئره يوزماق اولونور
مثلا بعضى يول تابلولاريندا يازيبلار :

"اين جاده فاقد شانه خاكى ميباشد"
آيا بونون يئرينه دئمك اولماز
" اين جاده شانه خاكى ندارد" ؟
نه قدر قيسا آخيجى و آيدين اولور!
و يا بعضن اداره مكتوبلاريندا يازير لار:

....بديهى است موضوع غير قابل اجتناب نمي باشد  ايكي منفي مگر بیر مثبتی یئتیرمیر ؟ دئمک اولمازمی "موضوع قابل اجتناب است ؟
لاکن بیر طرفدن فارس دیلینین ذاتی آخساقلیقی باشقا طرفدن عرب دیلینین زور و ائتگیسی آلتیندا قالماق، هابئله پان فارسلارین دلی سل یاناشمالاری اونلارین دوزگون و عاغیل منطقدن اوزاق داورانیشلارینا باعث اولوب
سونوج بو کی منجه بوگونکو فارس دیلینه "ایران عربجه سی "(عربی ایرانی) دئمه لییک

تورکجه میزین یازماسی, [15.02.18 09:37]
[Forwarded from ائل سئون تانری سئون elseven]
« مان » سوْن سؤزجوگو تۆرک دیلینده

« مان» سؤزجوکو آدلارین سوْنونا یاپیشندا اوْنو ایکی قات گۆجلندیریر، اۇجالدیر و یئکلدیر.

درمان: (در+ مان) درمک کؤکوندن، او اوتلار کی دردی کؤکوندن قوپاردیرلار.

قهرمان= قارامان: (قارا+ مان) قارانین بیر آنلامی یئکه دیر.  1-بؤیوک کیشی، قهرمان 2- قارا گئین، قارا کیمی 3-  قدیم آنادوْلودا قارامان ائلی(اوغلان آدی)

اَرمان= آرمان: (آر+ مان) بؤیوک آرزی، بؤیوک ایستک، آر= اَر= یئکه (اوغلان آدی)

آریمان: (آری+ مان) تمیز اینسان، آری= تمیز (اوغلان آدی)

آسمان: (آس+ مان) اوجا یئر، آس= آزربایجاندا بؤیوک بیر ائلین آدی، آسیا سؤزجوگوده بو آددان گؤتورولوب، اوجالیقلاردا یاشایان بیر ائل.

قوْجامان: (قوجا+ مان) بیلیجی قوْجا، آدلیم

ائلمان: (ائل+ مان) ائلین کیشیسی، ائلین سیمگه سی، (اوْغلان آدی)
@ana2dilim
ایٛلیمان: (ایلی= ایلیق+ مان) نه ایستی نه سویوق، ایلیق، اورتا، (اوغلان آدی)

آلپ مان: (آلپ+ مان) قهرمان، آلپ= سردار، (اوغلان آدی)

دودمان= دودومان= دوغدومان: (دوغدو+ مان) دوغولوب تؤره ین یئر و اؤروش.

اوْرمان: (اوْر+ مان) آغاجلیق بیر یئر، مئشه، اؤر=اؤرو= هؤرو یا هؤروک= بیر بیرینه گئییشمیش اوْتلار یا آغاجلار یا تۆکلر، (اوْغلان آدی)

خرمن= خیٛرمان: (خیٛر+ مان) بیر یئره توْپلانمیش تاخیٛل یا بیر یئره توْپلانمیش یئمیشلر، خیٛر= بوستانین یئمیشی یا تاخیل(آرپا، بوغدا، ...).

آیمان: (آی+ مان) آی کیمی، آیاتای، (قیٛز آدی)

بَهمن= بَهمان= بئی مان: (بئَی + مان) بئَی کیمی، (اوْغلان آدی)

سازمان: (ساز+ مان) اؤلچولو و قایدالی، ساز= یاخجی یا دوزوملو یا چاتیشمازلیغی اولمایان بیر زاد یا تؤک- داغیت اولمایان بیر یئر.

دوشمن= دوشمان= دؤیوشمان: ( دؤیوش+ مان) دؤیوش= ساواش

دیلمان= دیلمانج: (دیل+ مان) چئویرمن، (اوغلان آدی)

نرمان= نریمان: (نر+ مان) قهرمان، آرسالان، آغیٛرسالان آسلان، نر= ائرکک، (اوغلان آدی)

نایمان: (نای+ مان) 1-کوکلو 2-اؤزونه اینانان 3-سکگیز 4-موغولیستاندا تۆرک بیر ائلین آدی دیر کی نایمان خانلیقلارین دوْلاندیریرلاردی.

نریشمان: (نریش+ مان) قوْرخمایان آدام، نریش= نر کیمی، (اوغلان آدی)

نورمان: (نور+مان) نوردان دوغولان، نور کیمی، نورلو آدام (قیٛز آدی)
@ana2dilim
آتامان: (آتا=مان) سالار، امیر،(اوغلان آدی)

آتایمان: (آتای+ مان) آدلیم، آتای= آدلی،(اوغلان آدی)

آزمان: (آز+ مان) بؤیوک اینسان(آزربایجان ائلینین بؤیوک کیشیلری)، آز= یئکه، مان= اینسان، (اوْغلان آدی)

باتمان: (بات+ مان) آغیٛر، بات= باتان، (اوغلان آدی)

باشمان: (باش+ مان) بؤیوک، باشچی(اوغلان آدی)

دانیشمان: (دانیش+ مان) دانیشان، یوْل گؤسترن، (اوغلان آدی)

قوتمان: (قوت+ مان)  اۇغورلو، (اوْغلان آدی)

کوتمان: (کوت+ مان) اوغورلو، (اوغلان آدی)

مارلمان= مارالمان: ( مارال+ مان) مارال کیمی گؤزل( قیز آدی)

شالمان: ( شال+ مان) یئکه، باشچی( قیز ادی)

داغمان= تاغمان: (داغ+ مان) داغ کیمی (اوغلان آدی)


@ana2dilim

تورکجه میزین یازماسی, [16.02.18 11:49]
[Forwarded from ا،ت]
(( دۆنیا آنا دیلی گونو موناسیبتی اایله‌  بیلدیریش،ا،ت))

اینسانین دۆنیایا گؤز آچارکن
 اؤیرَندیگی دیل آنا دیلی دیر. آنا ديلی فردین دوْغومو ایله بیرلیکده قازانديغي بیرحاقدير. ديل اينسانا شخصيت، میللی کیملیک، اؤیرنمک، دۆشونمک و داها دوْغروسو ماهیت قازاندیریر.

ديل اينسان حاياتيندا چوْخ اهميتلي يئره مالیک اوْلدوغو اۆچون بین الخالق حوقوق و کونوانسیالاردا، اؤزللیکله ۱۹۴۸-نجی ایلده اينسان حاقلاري کوونوانسیونوندا واز کئچیلمز بیر حاق اوْلاراق تثبیت ائدیلمیشدیر.

ايران آدلانان راسيست دؤولتين ترسينه چاغداش دۆنيا، اؤزللیکله آوروپا چوْخ کۆلتورلولوگو زنگينليک کیمی قييمت لنديریر و اؤز سرحدلري ايچريسينده ياشايان آزلیقلارا ديل مؤوضوعسوندا هر هانسي تزييق تطبيق ائتمیر. عکسینه اوْنلارا اؤز ديل و مدنيتلريني اؤيرنمک ايمکاني تانيميشدير. بۇگۆن آوروپا اؤلکه‌لري نين بير چوْخوندا بيردن چوْخ ديلده تحصيل مؤوجوددور.

بين الخالق حوقوق باخيميندان، اينسانين اؤز ديلينده دانيشماسي، يازماسي، اؤزونو ايفاده ائتمه‌سي، بير طبیعی حاقدير. ايران آدلانان یئرده ياشايان غیر فارس میللت لر(تورک، تورکمن، کورد، بلوچ، عرب، لور، گيلک و …) يعني اؤلکه‌نين چوْخونلوغو اؤز دوْغما ديللرينده تحصيل آلماقدان محروم قالميشدیر . آنا ديلینده تحصيل و چوْخ ديللي حيات طبيعي، مۆقددس، ائله جه ده کونستيتوسيون بير حاقدير.

ديل جانلي بير وارليق اوْلاراق، ايستيفاده ائديلديگينده اينکيشافيني داوام ائتديرديگي کيمي ايستيفاده ائديلمه‌ديگي زامان دا يوْخ اولماغا محکوم دور. ایشغالچی راسیست فارس حاکمیتی ايللردير رسمي دؤولت پوْلوتيکاسي کیمی بیلینجلی بیر شکیلده غیر فارس میللت لری یوْخ ائتمک اۆچون آنا دیلینده تحصیلی قاداغان ائتمیشدیر.

شۆبهه سیز و گرچک آنلامدا آنا دیلین قوْرونماسی ساده جه اوْنون سیاسی جوْغرافیا و مۆستقیل دؤولت دیلی اوْلدوغو تقدیرده مۆمکون دور. بۇ گۆن نه قدر ایسپانیا نسبی دئموکراتیک اؤلکه اوْلسا دا کاتالانلارین باغیمسیز اوْلمامالاری نتیجه سینده دیللری ایسپانیا دیلینین ائتگی سی آلتیندادیر. سوْویئت لر بیرلیگینده سؤزده جۇمهوریت لر اوْلسا دا باغیمسیز اوْلمادیقلاری اۆچون نه قدر روس دیلی نین ائتگیسینده اوْلدوقلاری معلوم دور.

حال اؤز مۆقددراتلارینی سؤزده اللرینه الان نسبی دئموکراتیک اؤلکه لرده و سوویئت لر کیمی یالانچی دؤولت لرده دۇروم بئله دیرسه، ایشغالچی راسیست حاکمییتده کی غیر فارس میللت لرین دۇرومو معلوم دور.

قهرمان آزربایجان تۆرک میللتی!

ایللردیرکی بۆتون حاقلاریمیز تاپدالانمیش، یئر آلتی ثئروَت لریمیز تالان و طبیعتیمیز محو ائدیلمیشدیر، دیلیمیز یاساقلانمیش و ائعتیراضلاریمیزا قتل و زیندانلا جاواب وئریلمیشدیر. آرتیق تک یوْل وار او دا قۇرتولوش دور.

بین الخالق آنا دیلی گونو یاخلاشیر و یئنه بیز ان دوْغال حاققیمیزدان محروموق. نه ائتمه لی ییک؟ طبیعی کی، ایستراتیئژیک اوْلاراق قۇرتولوش مۆجادیله سی وئریلمه لی ییک. آمما تاکتیک سل اولاراق آنا دیلی گۆنو ایله باشلایان اؤنوموزده کی گۆنلرده قارشی میزدا دۇران وظیفه لر :

۱- درنک لر یاراداراق آنا دیلیمیزی اؤیره نیب و گله جک قوشاقلاریمیزا اؤیرتمک؛

۲- فارس مئدیالارینی بایکوت ائدیب، میللی حرکاتین مئدیالاری و یا قوزئی آزربایجان و تۆرکیه مئدیالارینا یؤنلمک؛

۳- تورکجه کیتاب و قزئت لر الده ائتمک (تورکجه کیتاب آلیب اوْخویوب و هدیه کیمی دوْستلاریمیزا وئرمک، قزئت لره آبونه اولوب پایلانماسینا یاردیمجی اولماق)؛

۴- گونئی آزربایجاندا دۇوارلارا میللی ایستک لری نیزی یازماقلا حوقوقلاریمیزین طلبینین عومومیلشمه سینه یاردیم ائتمک؛

۵-هر نوع ایجتیماعی ائعتیراضلارا قاتیلاراق میللی ایستک لریمیزی دیله گئتیرمکله، مغلوب راسیست لرین پیلانلارینی پوْزماق؛

۶- داها سیستیماتیک و جیددی مۆباریزه اۆچون میللی تشکیلات لارا قاتیلماق .

هئچ شۆبهه سیز گله جک بیزیمدیر.

تورکجه میزین یازماسی, [20.02.18 13:00]
آنادیلیم
زهتابی‌نین بو جومله‌سینی دوشونورم: آنا دیلیمی سئودیم، سئودیکده درینلشدیم. درینلشدیکجه اونو داها دا سئودیم.
بو دیلده درینلشدیکجه سئومک اوچون بیر کیچیک اؤرنک:
«سو» یامسیلاما بیر سؤزجوکدور. یانی بو لوغت آخارسویون طبیعی سسیندن آلینیبدیر. بوگون «سو» دئییلن مایعه قدیم تورکلر «بو» دئییبلر. اونا، صیفیر درجه‌دن یئنیب جامید اولدوغو حالدا «بوز» و قایناییب گازا چئوریلرکن «بوغ» دئییبلر. او لوغته «لاق» مکان شکیلچی‌سی اکله‌ییب، سویون چیخیش یئرینی «بولاق» آدلاندیریبلار. «بولوت» بو عاییله‌نین باشقا بیر اوشاغی‌دیر.
آنادیلیمیزده «ب» حرفی بعضن «پ» حرفینه و بعضن ده «م» حرفینه چئوریلیر. اونا گؤره، قدیم فورماسی «بونقار» و «مینقار» اولان «پینار» لوغتی ده همن بولاق آنلامیندادیر.
ایندی  بو، بوز، بوغ، بولاق، بولوت و پینار لوغتلرینی بونلارین فارسجا قارشیلیغی اولان آب، یخ، بخار، چشمه، و ابر لوغتلریله موقایسه ائتسک، تورکجه لوغتلرین آراسیندا اولان ایلگی و کؤک‌بیرلیگینی او دیلده گؤرمه‌ییب، دیلیمیزده درینله‌شیب، اونو داها دا سئویریک.

سنی هله آچیلمامیش سیر کیمی، آلینمامیش قالا کیمی، عطیرلی بیر آنا کیمی، یوزولمامیش رؤویا کیمی، پوزولمامیش سئودا کیمی سئویرم، آنادیلیم.....ابراهیم ساوالان...