تورکجه میزین یازماسی, [23.06.17 01:43]
[Forwarded from əli Rəştbər"Qayıb"]
باشيما گلني بيلمك ايسته سن
او گرچك تاريخي آرازدان سوروش
پارچا-پارچا اولماغيمي ايسته سن
سازاقلي هاوادن آيازدان سوروش
او گرچك تاريخي آرازدان سوروش

بورچالي زنگه زور آيريلدي نه دن
قاراباغيم يانيب قوپدي سينه م دن
تبريزيم هله ده اوخويور غم دن
درديني دووارداكي سازدان سوروش
او گرچك تاريخي آرازدان سوروش

ساولاندان سويو آليب گتيرديم
كار سالمادي اورمو گؤلون ايتيرديم
عرضي حاليم يازيب خالقا يئتيرديم
 دئدي اگنيمده كي پالازدان سوروش
او گرچك تاريخي آرازدان سوروش

تك باشيما قاليب درديمه يانديم
پوزولدو پيمانيم سيليندي آنديم
آلديغيم امكدن زهري قانديم
اودومو قيزاران چارپازدان سوروش
او گرچك تاريخي آرازدان سوروش

آذربايجان آدلي ايگيد يوردونو
گؤرن اولسا چكه بيلمز درديني
گؤندر گلسين آلله او سون مرديني
درديمي قيلديغيم نمازدان سوروش
او گرچك تاريخي آرازدان سوروش

قاييبين يولدادي گؤزلري هله
اوحسرت آز قالير باغريني دله
وطنه اوو تكين يانيقلي مله
يوللاري كرمدن ائيوازدان سؤروش
او گرچك تاريخي آرازدان سوروش

علی رشتبر «قاییب»


    @ZElKH.  🌺🌺🌺☘️☘️☘️

تورکجه میزین یازماسی, [15.07.17 14:47]
[Forwarded from تهران تورکلری]
پیشه وری ...
"هر میلتین اؤزونه عائید تاریخی کئچمیشی وار . بو کئچمیشده آدینی قهرمان جاسینا یازدیرمیش کیشیله ر او میلتین گله جه کده کی دوشونجه له رینده فرقلی بیر یئر قازانمیش . بیریسی اولار کسروی و اؤزگه له ر دیلینده ن دوشمه ز و بیریسی اولار پیشوری ایل له ر سونرا بئله خاطیره له رده میلتین فدایی سی آدینی داشیار .
تیر آیینین ۲۰ سی اولو اؤنده ر پیشوری نین اؤلومونون ایل دؤنومو ."

https://t.me/tehran_turk/3103

@tehran_turk

تورکجه میزین یازماسی, [20.07.17 13:07]
[Forwarded from Bozqurd qoşunu☪️]
تۆرک اوْغلۇیۇم…


جددیم بللی آتام بللی،  
توْپراق بللی واطان بللی،  
شهید اوْلۇپ ياتان بللی،  
تۆرک اوْغلۇیۇم تۆرک اوْغلۇیۇم…  

آغاریْنجا بیر صاباح دان،  
ارگنه‌کوْن يازدیْ دستان،  
بۇ توْپراقلار سانما بوْستان،  
تۆرک اوْغلۇیۇم تۆرک اوْغلۇیۇم…  

آلتايلاردان چیْخیْپ گلدیم،  
مالازگیرت‌ده جانلار وئردیم،  
قوْس‌قوْجا بیر اوْردو يئندیم،  
تۆرک اوْغلۇیۇم تۆرک اوْغلۇیۇم…  

فاتیح ایله جوْشاریْم من،  
ایستانبولا قوْشاریْم من،  
چاغ قاپاتیْپ آچاریْم من،  
تۆرک اوْغلۇیۇم تۆرک اوْغلۇیۇم…  

دۆشمان سۆرۆ سۆرۆ دۇردۇ،  
محمَدیم ده يامان وۇردۇ،  
چاناق‌قالا شهید يۇردۇ،  
تۆرک اوْغلۇیۇم تۆرک اوْغلۇیۇم…  

ایستیقلالیْ آلدیْم گؤزه،  
دۆشمانلاریْم گلدی دیزه،  
جۆمله‌‌سینی دؤک دنیزه،  
تۆرک اوْغلۇیۇم تۆرک اوْغلۇیۇم…  

اذان اوْلدوم دینمه‌دیم من،  
بايراق اوْلدوم ائنمه‌دیم من،  
شهید اوْلدوم اؤلمه‌دیم من،  
تۆرک اوْغلۇیۇم تۆرک اوْغلۇیۇم…  

نامردله يوْلداش اوْلمادیْم،  
دوْکوز ياندیْم هیچ سؤنمه‌دیم،  
آصلا يوْلۇمدان دؤنمه‌دیم،  
تۆرک اوْغلۇیۇم تۆرک اوْغلۇیۇم…  

اوْغۇز بوْيلۇم آصیل سوْيلۇم،  
ایلانلارلا دوْلۇ قوْينۇم،  
هیچ چکمه‌يه گلمز بوْينۇم،  
تۆرک اوْغلۇیۇم تۆرک اوْغلۇیۇم...


بَی‌زاده اردن
@ARTESH_NABODGARE_TURK

تورکجه میزین یازماسی, [23.07.17 23:40]
[Forwarded from əli Rəştbər"Qayıb"]
سو"دئییبدیر منه اولده،آنام آب کی،یوخ

"یوخو"اویرتدی اوشاقلیقدامنه،خواب کی،یوخ

ایلک دفعه کی،"چورک"وئردی منه نان دئمه دی

 ازلیندن منه "دوزدانه"، نمکدان  دئمه دی

آنام ،اختر دئمه یبدیرمنه،"اولدوز "دئییب او

 سو دوناندا،دئمه ییب یخدی بالا،"بوز"دئییب او

"قار" دئییب ،برف دئمه ییب،دست دئمه ییب"ال"دئییب او

منه هئچواخت بیا سویله مه ییب،"گل"دئییب او

یاخشی خاطیرلاییرام،یاز گونو اخشام چاغی لار

باغچانین گون باتانیندا کی،ایلیق گون یاییلار

گل:-دئیه ردی،-داراییم باشیوی ای نازلی بالام!

گلمه سن گر،باجیوین آستاجا زولفون دارارام

او دئمه زدی کی ،-بیا شانه زنم بر سر تو

 گر نیایی بزنم شانه سر خواهر تو

بلی،داش یاغسادا گویدن،سن او سان من ده بویام

وار سنین باشقا آنان،واردی منیم باشقا آنام

اوزومه مخصوص اولان باشقا ائلیم واردی منیم

 ائلیمه مخصوص اولان باشقا دیلیم واردی منیم

ایسته سن قارداش اولاق،بیر یاشایاق،بیرلیک ائدک

 وئریبن قول-قولا،بوندان سورا بیر یولدا گئدک

اولا،اوزگه کولک لرله گرک آخمایاسان

ثانیا،وارلیغیما،خالقیما خور باخمایاسان

یوخسا گر زور دئیه سن ملتیمی خوار ائده سن

گون گلر،صفحه چونر،مجبور اولارسان گئده سن

 

پروفسور زئهتابی

تورکجه میزین یازماسی, [24.07.17 11:12]
[Forwarded from ادبیات دونیاسی]
قالدیم یاراحسرت

قالدیق   کوچه لر  کولگه لرینده   یارا     حسرت
یوخسول نئجه قالمیش تاپیلان بیرواراحسرت

سالدیق چوخ آچیق باغلاری پالچیق دووارایچره
یولدان دا کئچه ن اولسادا قالمیش ناراحسرت

نفرین دولوسوقیردی اومیدگوللرینی بیز
هرگون دولانیب باغلاری اولدوق باراحسرت

یوخدورقدیمین قار-یاغیشی دای اوسببدن
قیشدان سووولان داغ دره لرده قارا حسرت

دولت لی  آلیب  آیدا  گیینده  تزه  پالتار
ایللر دولانیب  یوخسولوموز شالوارا حسرت

سنسیزغزلین داد-دوزو اولماز اوخویاندا
یازدیم غزل عنوانیمی(قالدیم یارا حسرت )

یوسف صداقتی جمال ابادی
(بختیار )96/4/26

ادبیات‌دونیاسی:
@adabiyatdunyasi